Bukas

Miss Murder

Tuluyan nang lumubog ang araw,

Muli ang gabi’y puno ng lungkot at panglaw

Habang binabalot ng dilim ang kalangitan,

Patuloy lumalalakas ang awit ng katahimikan

Unti-unti nagsindi ng liwanag ang mga bituin,

Nagliwanag din ang buwan sa gabing lumalalim

Ihip ng hangin ay walang pag-iiba

Ramdam ko pa rin ang aking pag-iisa

Walang dapat ipagkabahala

‘pagkat ang gabi’y matatapos din

Ilang saglit na lamang

At ang bagong araw ay darating

Haba ng gabi’y huwag ipagkabahala,

Bukas, ito’y isa na lamang ganap na ala-ala…